O PSALMO 43.
1 Kăr mangă čeačimos, Devlla, arakh mangă e doši pa khă neamo bimilako!
Skăpisar ma le manušendar pherde čiorimata thai bikrisako!
2 Tu san o Dell, kai arakhăl ma: anda soste šudes ma?
Anda soste trăbul te phirau pherdo tristomos, tala o meklimos le dušmanohko?
3 Trade e lumina thai o pateaimos Tiro, kaste phiravel ma,
thai te nigrăl ma koa baŕobaro Tiro kukoa o sfînto
thai andel thana Tiră!
4 Atunči jeaua koa altarii le Devllehko,
koa altarii le Devllehko, kai sî o bukurimos thai muŕo vesălimos,
thai lăudiua Tu la xarfasa, Raia, Devlla muŕo!
5 Anda soste tristostu, duxona, thai roves ande mande?
Ajukăr ando Dell, kă pale lăudiua Les;
O sî o skăpimos muŕo thai o Dell muro.