O PSALMO 54.
Karing o mai baro le dilabaitorengo. Dă dilabaimos le instrumentença le koardença. Khă dilabaimos le Davidohko. Kărdi kana avile le Zifiçea te phenen le Saulohkă: „Jeanes kă o Davido bešel garado maškar amende?”
1 Skăpisar ma, Devlla, andoa Anau Tiro,
thai kăr mangă čeačimos, andai zor Tiri?
2 Ašun muŕo rudimos, Devlla,
le sama kal divanuri mîŕă mohkă.
3 Kă varesar străinea ušti'le pa mande,
varesar manuši nasulimahkă kamen te len mîŕî čivava;
on či den pe godi koa Dell. (Atărdimos) .
4 E, o Dell sî muŕo kandimos,
o Rai sî o nikărditorii mîŕă duxohko!
5 O nasul amboldel pe pal dušmaia mîŕă;
xasar le ando pateaimos Tiro!
6 Atunči anaua Tukă jertfe bukurimahkăkamimahkă,
lăudiua o Anau Tiro, Raia, kă sî mištimahko;
7 kă O skăpil ma anda sal năkazuri,
thai mîŕă iakhănça dikhau pherdino
o kamblimos dikhlino kal dušmaia mîŕă.