O PSALMO 62.
Karing o mai baro le dilabaitorengo. Pala o Iedutuno. Khă psalmo le Davidohko.
1 E, numai ando Dell pateal pe muŕo duxo;
lestar avela mangă o kandimos.
2 E, O sî o Kotorlebaŕăhko thai o Kanditorii muŕo,
o Turno muŕo le skăpimahko; čidăsar či zdrunčiniua ma.
3 Ji kana šudena tume pa khă manuši,
ji kana rodena saoŕă te peraven les,
sar khă zîdo iekhatar te perăl, sar khă bar iekhatar te phaŕadeol?
4 E, on thon koa drom te peravan les anda lehko vazdimos:
čeaileol le o xoxaimos;
le mosa dendumadămišto, ta le illesa den armaia. (Atărdimos) .
5 E, duxona, patea tu ando Dell,
kă Lestar avel mangă o ajukărimos.
6 E, O sî o Kotorlebaŕăhko thai o Kandimos muŕo,
o Turno muŕo le skăpimahko: čidăsar či mištua ma.
7 Po Dell thol pe o kandimos thai e slava mîŕî;
ando Dell sî o kotorlebaŕăhko le zuralimahko muŕo,
o than muŕo le garaimahko.
8 Popoarena, ande sako čiro,
patean tume, ande Leste,
šorăn tumară ille angla Leste!
O Dell sî o garaimos amaro. (Atărdimos) .
9 E, khă khančimos sî le šave le manušehkă!
Xoxaimos sî le šave le manušengă!
Thodine ando tol sa andekhthan, avena mai biphară dă sar khă phurdimos.
10 Na patean tume ande zor le meklimasti,
thai na thon tumaro ajukărimos dă iveantaină ando čiorimos;
kana bareon le bravalimata, na astarăn tumaro illo lendar.
11 Ăkhdata dea duma o Dell, duarăs ašundem
kă: „E Zor sî le Devllesti.”
12 Tiro, Raia, sî o lašimos,
kă Tu potines sakoiekhăhkă pala lehkă kărdimata.