O PSALMO 142.
Khă dilabaimosle Davidohko. Khă rudimos kărdino kana sas ando thanšudro.
1 Mîŕă mosa çîpi karing o Rai,
mîŕî mosa rudi ma karing o Rai.
2 Šorau mîŕî dukh angla Leste,
thai phenau Lehkă o strandimos angla Leste.
3 Kana sî xolleardo o duxo ande mande, Tu prinjeanes muŕo drom.
Po drom kai phirau, tinzosarde mangă khă astardimos.
4 Šude Te iakha ande čeači, thai dikh! Khonikh či prinjeanel ma,
Or sao skăpimos sî xasardo anda mande, khanikahkă či fales anda muŕo duxo.
5 Raia, karing Tute çîpi, thai phenau: „Tu san muŕo skăpimos,
e rig mîŕă mandimasti pe phuw le juvindendi.”
6 Le sama kal çîpimata mîŕă, kă sîm bibaxtalo dă sa.
Skăpisar ma anda kola kai našaven ma, kă sî mai zurale sar mande.
7 Ankalau muŕo duxo andoa beči, kaste lăudiu Tiro Anau!
Kola le bibezexale avena te denmaroata, kana kărăsa mangă mišto.