O PSALMO 15.
Khă psalmo le Davidohko.
1 Raia, kon bešela ande Ti çăra?
Kon bešela po baŕobaro Tiro kukoa o sfînto?
2 Kukoa kai phirăl ando bibezexalimos,
kukoa kai kărăl e voia le Devllesti,
thai phenel o čeačimos andoa illo.
3 Kodoa či pupuil pehka šibasa,
či kărăl nasul pehkă pašehkă,
thai či šudel prasaimasa pa pehko pašo.
4 O dikhăl jungalimasa koles vreniko jungalimahko,
ta del pativ kolen kai daran le Raiestar.
O či lel pesti orba parpale, kana kărăl khă solax ande xasardimos lesti.
5 O či del pehkă love sumadeasa,
thai či lel sumadi pa kukoa bidošalo.
Kukoa kai phiravel pe kadea, či perăla čiăkhdata.