O PSALMO 32.
Khă psalmo le Davidohko. Khă dilabaimos.
1 Baxtalo kolestar la bikrisako iertime,
thai kolestar la bezexatar garadi!
2 Baxtalo le manušestar, savehkă či lel sama o Rai o bezexalimos,
thai ando duxo savehko nai čiorimos!
3 Sode čiro ašilem muto, bilanas mîŕă kokala le çîpimahkă mîŕă biatărdimahkă.
4 Kă des thai reat o vast Tiro mekălas pe pa mande;
Kă šuteolas mîŕî zor sar šuteol e phuw andoa tatimos le milahko. (Atardimos) .
5 Atunčeara me phendem Tukă mîŕî bezex, thai či garadem mîŕî bikris.
Phendem: „Phenaua le Raiehkă mîŕă bikrisa!”
Thai Tu iertisardean e doši mîŕa bezexati. (Atardimos) .
6 Anda kodea orsao manuši pateamno te rudil pe Tute koa čiro dino!
Thai orta te šordeona paia bară, les či azbanas les dă fel.
7 Tu san muŕo arakhasdimos, Tu ankalaves ma andoa kăznimos,
Tu desmaroata dilabaimatănça skăpimahkărănça. (Atardimos) .
8 „Me-phenel o Rai – sîkavaua tu, thai sîkavaua tukă o drom kai trăbul te jeas pe leste,
phenaua tukă, thai avela ma o dikhlimos ortome pa tute.”
9 Na aven sar khă grast, or khă magari bi prinjandimahko,
saves thos lehkă khă salavari thai khă xamo kai phandes lehkă,
kaste na pašol tutar.
10 Butendar dukha sî les rig koles le jungales,
ta kukoa kai pateal pe ando Rai, sî dinoroata Lehka milatar.
11 Bibezexalengo, bukurin tume ando Rai thai vesălin tume!
Ankalaven çîpimata bukurimaghkă, sa kukola le illesa bi bezexako!