O PSALMUL 87.
Khă psalmo le šeavengă le Korehkă. Khă dilabaimos.
1 O Siono să les temelii thodine pel baŕlebară kola le sfinçome:
2 O Rai kamel le udara le Sionohkă
mai but dă sar sal thana le Iakovohkă.
3 Butea pherde slava sas phendine pa tute,
četatea le Devllesti! (Atărdimos) .
4 Me pomeni o Ejipto thai o Babilono maškar kola kai prinjeanen Ma;
dikta, o čem le Filistianengo, o Tiro, e Etiopia:
„ando Siono kărdilem.”
5 Ta poa Siono sî phendino: „Saoŕă kărdile ande leste,”
thai Kukoa o But Baro zurearăl les.
6 O Rai dinel le popoare,
ramosardindoi le: „Oče kărdi le.” (Atărdimos) .
7 Thai i kola kai dilaban thai i kola kai khălen çîpin:
„Sa le isvoare mîŕă sî ande Tute.”